Svimjing
Eingin yvir og eingin við síðunar av Pál Joensen. Fremsti føroyski svimjarin ruddaði borðið í frísvimjing, har hann vann gull á 50, 100, 200, 400 og 1500 metrum. Eitt avrik, ið næstan ikki átti at borið til, tí dygdirnar, sum krevjast innan ymsu kappingarnar, eru so ymiskar.
- Ein týðandi orsøk er í øllum førum, at skráin passaði perfekt til Pál. Ikki minst at 50 meturin var nú á seinasta degnum. Svimjararnir hava kappast í fýra harðar dagar, og tað er serstakliga tungt hjá sprintarum. Fysiologiskt er Pál bygdur soleiðis, at hann hvílir sera skjótt og væl, og tí er hann munandi betur fyri enn sprintararnir aftan á fýra dagar í hylinum. Var 50 meturin á skránni fyrsta dagin, trúgvi eg ikki, at Pál hevði vunnið heiðursmerki yvirhøvur, segði Jón Bjarnason, venjari hjá Pál Joensen.
Fakta
Heiðursmerkini hjá Pál
50 frí gull
100 frí gull
200 frí gull
400 frí gull
1500 frí gull
50 firvald gull
200 bringa gull
4X50 blandað gull
100 blandað silvur
200 blandað silvur
400 blandað silvur
50 bringa silvur
4X100 blandað silvur
4X100 frí silvur
200 firvald bronsa
100 bringa bronsa
