Í gjárakvøldið blivu seinastu fimm liðini til bólkaspælið í fínastu og størstu fótbóltskappingini í Evropa, Champions League funnin. Millum tey fimm síðstu liðini, ið tryggjaðu sær luttøku í fínasta selskapinum, var danska meistaraliðið, FCK, ið samanlagt vann 2-1 ímóti kýpriotiska Apoel Nicosia.
Tey 32 liðini skulu býtast í átta bólkar við fýra liðum í hvørjum bólki. Liðini eru seedað eftir teirra koeffisientstigum í evropeiskum dystum. Tó verða tey liðini, ið vunnu tær størstu landskappingarnar í farna kappingarári, automatiskt seedað sum nummar eitt, hóast tey ikki teljast ímillum størstu lið í Evropa.
Hetta er orsøkin til, at lið sum Leicester, Benfica og CSKA Moskva eru í fremsta seedningsbólki framman fyri stórlið sum Atlético Madrid, Borussia Dortmund og Arsenal.
Niðanfyri stendur at lesa, hvussu evropeisku stórfeløgini eru seedað undan lutakastinum í morgin. Lutakastið verður hildið í Monaco, og tað byrjar klokkan 17 í morgin.
Seedningsbólkur 1:
Real Madrid
Bayern München
Barcelona
Benfica
Paris Saint-Germain
Juventus
CSKA Moskva
Leicester
Seedningsbólkur 2:
Atlético Madrid
Borussia Dortmund
Arsenal
Manchester City
Sevilla
FC Porto
Napoli
Bayer Leverkusen
Seedningsbólkur 3:
FC Basel
Tottenham
Dynamo Kiev
Lyon
Borussia Mönchengladbach
PSV Eindhoven
Sporting Lissabon
Club Brugge
Seedningsbólkur 4:
Dynamo Zagreb
Celtic
Monaco
Besiktas
Legia Warszawa
Ludogorets Rezgrad
FC Keypmannahavn
FC Rostov
