Álit, sum lýsir hvussu uppgávurnar hjá Landslæknaembætinum kunnu yvirtakast, er handað Súsonnu Bertholdsen, landsstýriskvinnu í heilsumálum.
– Eg fari nú at umrøða niðurstøðurnar í góða og greiða álitinum frá arbeiðsbólkinum við landsstýrið og samgonguflokkarnar. Síðani ætli eg mær at taka samanum málið og taka støðu til, um Landslæknaembætið og ávís onnur málsøki skulu yvirtakast í hesum samgongutíðarskeiðnum. Væntandi verður støða tikin til málið einaferð seinni í vár, sigur Súsanna Bertholdsen, landsstýriskvinna í heilsumálum, í viðmerking.
Í samgonguskjalinum millum Javnaðarflokkin, Tjóðveldi og Framsókn stendur, at farast skal undir at fyrireika yvirtøku av landslæknaembætinum. Í hesum sambandi setti landsstýriskvinnan í heilsumálum, í mars í fjør, ein arbeiðsbólk við umboðum fyri føroyskar og danskar myndugleikar at útgreina og lýsa yvirtøkuna nærri.
Arbeiðið er nú liðugt. Við støði í álitinum, kann landsstýriskvinnan nú saman við landsstýri og samgongu taka støðu til, um uppgávurnar hjá Landslæknaembætinum skulu yvirtakast í hesum samgongutíðarskeiðnum.
Umframt uppgávurnar hjá Landslæknaembætinum vísir arbeiðsbólkurin á møguleikar at yvirtaka málsøkini sjúklingarættindi, tvingsil í psykiatri, tvingsil í somatik, rúsandi evni, vísindasiðseminevnd og kæru- og endurgjaldsmøguleikar.
Álitið sum arbeiðsbólkurin hevur orðað er at finna her.
##med2##
##med3##
