Danska veðurstovan DMI roknar við hampuligum veðri um vikuskiftið. Tað verður lítið av vindi, men vit kunnu rokna við nakað av regni.
Í dag vera 5-10 m/s av suðri. Skýggjað fyri tað mesta og ælaveður. Hitin verður millum 7 og 11 stig. Í nátt vera undir 5 m/s av ymsum ættum ella av suðri. Samdrigið og onkur æl. Hitin verður um 5 stig.
Sunnudagin vera framvegis undir 5 m/s, sum frálíður av eystri. Samdrigið og ælaveður. Hitin verður millum 6 og 10 stig. Um kvøldið 3-8 m/s av útnyðringi og vestri, samdrigið og regn í støðum. Hitin millum 6 og 10 stig.