Føroyska U17 flogbóltslandsliðið hjá kvinnum tapti í kvøld semifinaluna í NEVZA U17 2004 kappingini móti Finnlandi.
Finnland var frammanundan mett at vera sterkasta liðið og tað gjørdist eisini greitt í semifinaluni, at finska liðið var ómetaliga sterkt.
Gongdin var tann sama í øllum trimum settunum. Finnland vann sær eina trygga leiðslu tíðliga í settinum og føroysku genturnar megnaðu ongantíð at svara aftur. Spakuliga gjørdist leiðslan størri og størri, og finsku genturnar vunnu tryggan sigur í øllum trimum settunum. Finnland vann 3-0 og settúrslitini vóru 25-9, 25-10 og 25-8.
Í morginárini klokkan 11.10 skulu føroysku genturnar spæla um bronsuna. Mótstøðuliðið í bronsufinaluni verður Danmark.
Dysturin sæst við at trýsta her, umframt at Facebooksíðan hjá Føroyska flogbóltssambandinum fer at hava beinleiðis dagføring frá dystinum.
Les eisini Føroyar í semifinalu
