ST Trygdarráðið samdist í gjár um eina samtykt, har ræðið mælir til »humaniterar steðgir« í Gaza sum vara so leingi, at neyðhjálp fæst inn.
Her fært tú meira at vita um Trygdarráðið:
* Í ST Trygdarráðnum eru 15 limir. Formansskapurin gongur upp á skift millum tey hvønn mánað.
* Fimm lond hava fastan limaskap, meðan tíggju onnur lond er vald av aðalfundinum hjá ST fyri eitt tvey ára skeið í senn.
* Teir fimm føstu limirnir eru USA; Russland, Kina, Bretland og Frankaríki.
* Tá teir ikki-føstu limirnir verða valdir verður atlit tikið til kravið um javna landafrøðiliga umboðan.
* Meðan aðalfundurin kann kjakast um allar trupulleikar, tekur Trygdarráðið sær bara av spurningum um frið og trygd. Allir limir í ST hava bundið seg til at gera eftir avgerðunum hjá Trygdarráðnum.
* Í mun til aðalfundin heldur Trygdarráðið ikki regluligar fundir. Tað kann verða innkallað nær sum helst við stuttari ávaring.
* Atkvøðugreiðsla í Trygdarráðnum er øðrvísi enn á aðalfundinum.
* Týðandi samtyktir í Trygdarráðnum krevja, at níggju limir atkvøða »ja«. Tó er tað talan um sýtingarrætt, um ein av teimum fimm føstu limunum atkvøður »nei«, og so kann málið ikki samtykkjast.
Keldur: unric.org.
/ritzau/
