Tað er stórur fagnaður í stóru EB/Streyma leguni kring vøllin í Klaksvík í løtuni.
EB/Streymur hevur fyri triðju ferð tryggjað sær sigur í steypakappingini og harvið atgongd til europeiska kapping um eitt ár.
Einasta málið skoraði Sorin Anghel í 1. hálvleiki.
Sum tað nærkaðist endanum, flutti ÍF fólkið longri fram. Bartal Eliasen snittaði ofta víðari við høvdinum, men tað rakk ikki til upplagdar málmøguleikar.
Størsta málmøguleikan av øllum í síðstu løtu fekk innskifti Hans Pauli Samuelsen hjá EB/Streymi, men fyri opnum máli setti hann bóltin skeivu megin stólpan.
Nú verður gjørt klárt til steypahandan!
EB/Streymur-ÍF 1-0 (1-0)
Finala um løgmanssteypið 2010
Á vøllinum í Klaksvík fríggjadagin 6. august kl. 18.00
Dómari: Ransin Djurhuus, Andrew Christiansen, Thorvald Petersen og Eiler Rasmussen (4. dómari)
2544 áskoðarar
1-0: Sorin Anghel 25.
EB/Streymur: René Tórgarð - Gert Hansen, Marni Djurhuus, Egil á Bø, Dánjal Davidsen - Brian Olsen (Pætur Dam Jacobsen, 66.), Pauli G. Hansen, Sorin Anghel (Arnar Dam, 84.) - Gudmund Nielsen (Hans Pauli Samuelsen, 74.), Arnbjørn Hansen, Daniel Udsen
Gult kort: Egil á Bø
Venjari: Heðin Askham
ÍF: Jákup Mikkelsen - Áki Petersen, Poul Ennigarð, Bartal Eliasen, Høgni Zachariassen - Alexander Jovevic (Jan Ó. Ellingsgaard, 65.), Karl Løkin, Fritleif í Lambanum (Dánjal á Lakjuni, 58.) - Nenad Saric, Øssur Dalbúð, Andy Olsen (Frank Poulsen, 65.)
Gult kort: Høgni Zachariassen, Bartal Eliasen
Venjari: Ábraham Løkin
------
90 min.
1-0
4 min. lagdur aftrat!
-----
85 min.
1-0
Arnar Dam er komin á vøllin fyri Sorin Anghel hjá EB/Streymi.
ÍF roynir at trýsta, men tað knípir at koma til upplagdar málmøguleikar. Bestu royndina hevur Karl Løkin havt úr høgru, men bólturin fór dygst við síðuna av nærra stólpanum.
Gult kort: Bartal Eliasen ÍF.
----
75 min.
1-0
Hans Pauli Samuelsen er komin á vøllin fyri Gudmund Nielsen hjá EB/Streymi.
----
65 min.
1-0
ÍF fremur dupult útskifting. Andy Olsen og Alexander Jovevic út og Frank Poulsen og Jan Ellingsgaard inn.
EB/Strreymur:
Brian Olsen út og Pætur Dam Jacobsen inn.
------
60 min.
1-0
ÍF hevur trupulleikar við at spæla seg fram í síðunum. Dánjal á Lakjuni er settur inn fyri Fritleif í Lambanum. Dánjal er farin í høgra borð, og Nenad Saric er fluttur inn á sentrala miðvøllin.
----
50 min.
1-0
Tað er eitt sindur deydligt kring vøllin, og intensiteturin á vøllinum er ikki nakað serligur.
----
45 min.
1-0
Hálvleikur
Nú lýsnar í Klaksvík. Tað er turt, og sólin er ikki so langt burtur!
-------
40 min.
1-0
Tað mesta gongur fyri seg á EB/Streyma hálvuni.
Gult kort Egil á Bø, EB/Streymur.
30 min.
1-0
Tað er farið at regna í Klaksvík. Í løtuni er eitt sindur størri tyngd í EB/Streymi.
Um reppið at René Tórgarð kiksaði uttanfyri brotsteigin, og at Øssur Dalbúð vann møguleika!
25 min.
1-0: Sorin Anghel 25.
Eftir uppspæl og innlegg úr høgru royndi Arnbjørn Hansen seg úr stuttari fjarstøðu. ÍF bjargaði á strikuni, og Sorin Anghel var fyrstur á returbóltinum.
Gult kort: Høgni Zachariasen, ÍF
---
20 min.
0-0
Tað gongur javnt á. Bóltførleikin er undir trýsti, tí ferðin hevur verið so høg.
--------
10 min.
0-0
ÍF hevur fótað sær, og nú eru tað fuglfirðingar, sum hava tak á bóltinum.
Teir hava spælt seg fram til tveir góðar møguleikar.
-----
5 min.
0-0
EB/Streymur hevur verið meiri ágangandi, og Sorin Anghel havt góðan stútara upp um málið.
-----
Fyrstsa bríkslið hevur verið.
Lutakastið fyrr í ár lagaði tað soleiðis, at tað er EB/Streymur, sum eigur heimavøll.
Veðrið er fantastiskt at spæla fótbólt í.
Tað er stilt og lýtt, og tað hevur kenst eitt vet úr honum.
Klaksvíkar hornkestur stendur á miðjum vølli, og stílurin um inngongdina hjá spælarunum er sum í útlondum, og sum tað sæst í sjónvarpinum, so leiða teir smádreingir í búnunum hjá teimum báðum liðunum.
Tjóðsangurin er sungin og spældur, og løgmaður heilsar upp á spælararnar saman við fomanninum í FSF Christian Andreasen.
EB/Streymur-ÍF kl. 18.00
Finala um løgmanssteypið.
Dómari: Ransin Djurhuus
EB/Streymur: René Tórgarð - Gert Hansen, Marni Djurhuus, Egil á Bø, Dánjal Davidsen - Brian Olsen, Pauli G. Hansen, Sorin Anghel - Gudmund Nielsen, Arnbjørn Hansen, Daniel Udsen
ÍF: Jákup Mikkelsen - Áki Petersen, Poul Ennigarð, Bartal Eliasen, Høgni Zachariasen - Alexander Jovevic, Karl Løkin, Fritleif í Lambanum - Nenad Saric, Øssur Dalbúð, Andy Olsen
