Føroyingar keypa alsamt færri nýggjar bilar. Tað vísa hagtølini frá Akstovuni, sum hevur gjørt upp bilasøluna fyrra hálvár í ár.
Og tølini vísa, at tilsamans er afturgongdin í skrásetingini av nýggjum akførum 21,6 prosent.
Higartil í ár eru skrásett 937 nýggj akfør í mun til 1195 sama tíðarskeið í fjør.
Higartil í ár eru skrásettir 708 nýggir persónbilar í mun til 915 sama tíðarskeið í fjør. Tað er ein afturgongd upp á 25 prosent.
Tilsamans eru skrásett 42.327 akfør í Føroyum. Av teimum eru 28.017 persónbilar.
Roknað á hvønn føroying eru vit – øll fólk íroknað – tvey fólk til hvønn persónbil í Føroyum.
##med2##
