Tað var ein misjavnur dagur hjá føroyingaliðunum í bestu íslendsku kvinnudeildini í hondbólti í dag.
Liðið hjá Ingibjørg Olsen, ÍBV vann risasigur 40-21 á Selfossi á útivølli. Alt var avgjørt í fyrra hálvleiki. Í steðginum var ÍBV á odda 23-4.
Natasja Hammer og liðfelagarnir í Haukum taptu á heimavølli á Hafnarfirði 25-31 fyri Stjørnuni. Stjarnan var á odda 19-16 í steðginum. Tíðliga í seinna hálvleiki kom Stjarnan framum 26-19, og tá gjørdist tað sambært Morgunblaðnum bert ein spurningur um hvussu stórur sigurin fór at vera.
Natasja skoraði tvey mál fyri Haukar í dag.
Komandi leygardag tekur ÍBV móti Fram úti á Heimaey. Sama dag spæla Haukar á útivølli í Kópavogi móti HK.
Støðan
| Nr | Lið: | Dystir | V | J | T | Málmunur | Stig |
| 1 | Valur | 13 | 10 | 2 | 1 | 387:308 | 22 |
| 2 | ÍBV | 13 | 11 | 0 | 2 | 373:318 | 22 |
| 3 | Stjarnan | 13 | 9 | 1 | 3 | 363:302 | 19 |
| 4 | Fram | 13 | 8 | 1 | 4 | 357:292 | 17 |
| 5 | KA/Þór | 13 | 5 | 0 | 8 | 319:344 | 10 |
| 6 | Haukar | 13 | 4 | 0 | 9 | 353:380 | 8 |
| 7 | Selfoss | 13 | 2 | 0 | 11 | 339:413 | 4 |
| 8 | HK | 13 | 1 | 0 | 12 | 284:418 | 2 |
