Sum ein partur av skránni fyri »Festligt damucruise« 28. mai ? 1. juni, fara Annika Johansen og Una Jacobsen at siga luttakandi damunum eitt sindur um stíl.
Annika og Una hava báðar tikið útbúgving sum Style Coach hjá Tini Owild, kendur danskur stylistur, sum í 2008 vitjaði á Lívsstílsstevnuni.
Fyrilesturin er ein partur av fjølbroyttu, spennandi skránni fyri »Festligt damucruise«. Annika og Una fara eitt nú at koma við nøkrum góðum ráðum, sum tú beinanvegin kanst fáa gleði av. Hvussu tú klæðir teg, so tú sært best út, óansæð um tú ert høg, lág, smøl, kløn ella kanska hevur eitt sindur rundar formar. Tú fært eisini nøkur grundleggjandi ráð um styling.
Sum nakað eyka kunnu damurnar bíleggja sær tíð at fáa persónliga vegleiðing hjá stylistunum umborð. Her verður møguleiki at fáa eina sonevnda kvikktest sum inniber lit-test, kropssnið, andlitsform, frisuru og nógv góð styleráð.
