Styrkilyfting og vektlyfting í Finsen í vikuskiftinum

Virknishøllin í Finsen í Havn er leygar- og sunnudagin karmur um kappingar í styrkilyfting og vektlyfting.

Styrkilyfting er leygardagin klokkan 13:00. Vektlyfting er sunnudagin klokkan 12:00, menn og klokkan 13:30, kvinnur. 

 

Styrkilyfting inniheldur tríggjar greinar: Bonkpress, beinbend og rættstøðulyft. Kappast verður í ipf-gl-frymlinum.

 

Vektlyfting inniheldur tvær greinar: Trekk og stoyt. Kappast verður í sinclair frymlinum.

 

Møguleiki er at seta met í báðum kappingunum. Galdandi met og lyft í undanfarnum kappingum kunnu síggjast á www.styrkisamband.fo.