Tað restar framvegis nógv í, at fótbóltsliðið hjá sandoyingum aftur skal vera í fremstu røð, men tað gongur rætta vegin.
Tað halda teir í B71. Eftir trivaliga 3-0 sigurin ímóti 07 Vestur á Dungasandi í gjár, verður hugleitt um liðið og framgongdina, sum er at síggja, og tað verður roknað við, at tað býr meiri í liðnum, tí tað er stórur áhugi, og tað er kapping um plássini.
Aron Clementsen setti hol á í sætta minutti, tá ið hann eftir horna og út frá smekkaði til av brotsteigarmarkinum, og bólturin umvegis stólpan fór í málið.
Heimaliðið pressaði nógv og leingi í fyrra hálvleiki, men tað eydnaðist ikki at fáa mál.
Í seinna hálvleiki spældi B71 so væl sum ongantíð fyrr í ár, siga sandoyingar.
Gustav Wassman økti til 2-0, tá ið eitt korter var eftir, og í tíðini, sum dómarin legði aftrat, varð 3-0 sigurin staðfestur. Markus Clementsen átti uppleggið og yngri beiggi hansara Aron Clementsen skoraði til 3-0 og varð harvið tvífaldur málskjútti.
B71 er á sætta plássi við 17 stigum, og 07 Vestur er á áttanda plássi við 14 stigum.
Dystarfrásøgn og hugleiðing um B71 ber til at lesa her
https://www.b71.fo/index.php/374-1-deild-menn-07-vestur-b71-0-3 k
| Víkingur | 12 | 7 | 4 | 1 | 26 | 12 | 25 |
| NSÍ | 11 | 6 | 4 | 1 | 29 | 18 | 22 |
| KÍ | 11 | 6 | 2 | 3 | 20 | 18 | 20 |
| B68 | 12 | 5 | 3 | 4 | 25 | 17 | 18 |
| HB | 11 | 5 | 3 | 3 | 25 | 19 | 18 |
| B71 | 12 | 5 | 2 | 5 | 22 | 20 | 17 |
| B36 | 12 | 5 | 2 | 5 | 17 | 22 | 17 |
| 07 Vestur | 12 | 3 | 5 | 4 | 16 | 18 | 14 |
| FC Hoyvík | 12 | 1 | 2 | 9 | 15 | 38 | 5 |
| AB | 11 | 1 | 1 | 9 | 12 | 25 | 4 |
12. umfar
15. juli
KÍ - AB
10. august
NSÍ HB
13. umfar
26. juli
B68 - Víkingur
HB - KÍ
B36 - NSÍ
AB - 07 Vestur
B71 - FC Hoyvík
