Mynstrið í kappingini millum 8-mannaførini var tað sama, sum tað hevur verið undanfarnu ferðirnar.
Tað vóru tríggir bátar, sum luttóku í kappingini, og talan var um tvíkapping millum Argjabátin og Árnfirðing.
Eina løtu var tað mest sum stavn um stavn, men í endaspurtinum hilnaðist tað betri hjá argjamonnum. Argjabáturin var tað mesta av hálvari bátslongd undan Árnfirðingi, tá ið bátarnir fóru um málið.
Ørvur hevur verið triði luttakarin í hesi kappingini. Teir úr Havnar Róðrarfelag vóru eisini við hesa ferð. Í dag mannaðu teir Nevið Reyða, sum klaksvíkingar eiga.
1 Argjabáturin 04.53.23
2 Árnfirðingur 04.54.37
3 Nevið Reyða 05.06.17
