Tað kostar 874 atkvøður at fáa sess í býráðnum í Havn

Umframt teir fimm flokk­ar­nar, sum hava verið um­boð­aðir í Tórs­havn­ar bý­ráð sein­astu tvær set­ur­nar, Fólk­a­flokk­in, Sam­bands­flokk­in, Javn­að­ar­flokk­in, Tjóð­veldi og Fram­sókn, so stilla í minsta lagi tveir aðr­ir list­ar upp – og graml hoyr­ist um, at kanska ein listi við rýmdum limum úr Javn­að­ar­flokk­i­num stillar upp – eins og tað kann hugsast, at Sjálv­stýri stillar upp aftur hesa­ferð eins og seinast

Tá tað er val til Tór­s­havn­ar býráð, so hava vit ikki eitt ek­sakt sperru­mark, eins og í Løg­ting­i­num. Tað er tí, at tað eru ymsar skip­an­ir, sum verða brúktar, tá løg­tings­val verð­ur gjørt upp og tá kommunuval verð­ur gjørt upp.

At fáa umboð valt á Løg­ting krev­­ur, at ein listi ella utt­­a­n­flokk­a­val­evni hevur 1/33 part av at­kv­øðu­num. Tað svarar til 3,03 prosent.

Tá kommunuval verð­ur upp­gjørt, so verður hugt eft­ir, hvussu nógvar atkvøður list­ar­nir hava fingið. Síðani verða tølini býtt við 2, 3, 4, 5, og so framvegis, til vit hava funnið allar komm­un­u­stýr­is­lim­ir­nar.

Taka við Tórshavnar komm­unu, so eru 13 bý­ráðs­lim­ir. So varð seinast ney­ð­ugt at býta tølini niður til 6, fyri at finna allar sessirnar.

Javnaðarflokkurin var so mik­ið nógv størstur, hann fekk 5.777 atkvøður, at hann fekk bæði 1. og 2. bý­ráðs­lim­in. Tjóðveldi fekk so numm­ar 3, Javn­að­ar­flokk­ur­in nummar 4. Fólk­a­flokk­urin nummar 5, Sam­bands­flokk­ur­in nummar 6, Javn­að­ar­flok­k­urin numm­ar 7, Tjóð­veldi nummar 8, Fram­sókn numm­ar 9, Javn­að­ar­flokk­ur­in nummar 10, Javnað­ar­flokk­ur­in nummar 11, Tjóð­veldi numm­ar 12 og Fólk­a­flokk­urin fekk tann síðsta, numm­ar 13.

Tað merkir, at atkvøðu­tal­ið hjá Fólkaflokkinum, 1704, býtt við 2, sum gevur 852 atkvøður, var mark­ið fyri at fáa umboð valt í Tórs­havn­ar býráð á vali­num í 2020.

Tað svaraði til eitt sperru­mark upp á 6,5 prosent.

Tøl frá Hagstovuni vísa, at fólk­a­talið í Tórshavnar komm­unu er vaksið góð 5 pro­sent síðani 2020. Siga vit, at val­­lut­tøk­an verður hin sama, 81, prosent – og rokna vit so miðal sperrumarkið sein­astu 20 árini, so verð­ur tað 6,32 prosent hesaferð, um atk­­vøð­­­u­býtið millum flokk­­ar­nar passar so, 874 at­kvøð­ur hesaferð.

Tað kann tó ikki sigast við vissu, tí tað veldst um být­ið millum flokkarnar. Men tað fer sannlíkt at liggja har á leið.

##med2##

Valúrslitið seinast. Tølini hjá flokkunum verða býtt við 2, 3, 4 og so víðari, til 13 tey størstu tølini eru funnin og so verða býráðslimir býttir eftir tí. Tølini í gráa teiginum vísa, hvat nummar býráðslim ávísu flokkarnir hava fingið. Seinast kostaði ein sessur 852 atkøvður