Liðið sum Teis Horn Rasmussen og Peter Krogh hava spælt við undanfarna kappingarár, Aarhus flytur ikki upp í bestu donsku hondbóltsdeildina.
Í kvøld tapti Aarhus í triðja uppflytingardystinum á heimavølli móti Skive 32-34. Aarhus var annars á odda 18-16 í steðginum.
Tað merkir, at Skive vinnur uppgerðirnar samanlagt 2-1, og hevur vunnið rættin at spæla móti næstaftasta liðnum í bestu deildini.
Teis fer nú at hugsavna seg um sera týðandi EM-undankappingardystirnar móti Kosovo á útivølli 8. mai, og móti Ukraina á heimavølli 11. mai.
