Føroyingauppgerð var í næstbestu donsku hondbóltsdeildini í kvøld millum Brandur Halgirsson og Ajax, og Teis Horn Rasmussen, Sjúrður Olsen og Tønder.
Tønder vann dystin 35-33. Teis Horn Rasmussen skoraði ikki færri enn 10 mál fyri Tønder í kvøld. Sjúrður Olsen fekk eitt mál fyri Tønder.
Í steðginum var Tønder á odda 19-14. Í seinna hálvleiki var Ajax betri við. Tá 46 minuttir vóru farnir var støðan 25-23 til Tønder, men so dróg Tønder frá aftur og kom uppá 29-24 og 33-28. Tønder var á odda 35-31 tá ein minuttir var eftir, og tað skalaði ikki sigurin, at Ajax pyntaði um við tveimum málum.
Um átta dagar verður føroyingauppgerð í Tønder millum Tønder og liðið hjá Róa Berg Hansen, HØJ.
Leivur Mortensen skoraði í kvøld tvey mál fyri Odder, ið tapti 28-33 fyri Midtjyllandi á útivølli. Midtjylland var á odda 18-12 í steðginum.
Leygardagin 16. oktober spælir Odder á heimavølli móti Grindsted.
| Nummar | LIÐ | Dystir | Stig |
| 1 | HC Midtjylland | 6 | 10 |
| 2 | Team Sydhavsøerne | 5 | 8 |
| 3 | IK Skovbakken | 5 | 8 |
| 4 | HØJ | 5 | 8 |
| 5 | TM Tønder | 6 | 7 |
| 6 | Odder | 6 | 6 |
| 7 | Grindsted | 5 | 6 |
| 8 | Ajax | 6 | 4 |
| 9 | HC Odense | 5 | 4 |
| 10 | Otterup HK | 5 | 3 |
| 11 | Roskilde | 5 | 3 |
| 12 | Vendsyssel | 5 | 3 |
| 13 | HEI Skæring | 5 | 2 |
| 14 | FIF | 5 | 2 |
