Tað verður fult umfar í bestu kvinnukappingini. Fjórða umfar er á skrá, og tey bæði liðini, sum hava vunnið fulla úrtøku í trimum teimum fyrstu umførunum, hittast í dag.
Toppuppgerðin verður í Klaksvík, har EBS/Skála verður gestur hjá KÍ. Talvan sigur, at EBS/Skála er oddalið, tí málmunurin hjá felagsliðnum er +5, meðan málmunurin hjá KÍ er +4.
Í fjør var tað rættiiga javnt, tá ið hesi bæði liðini kappaðust. KÍ vann 1-0 á útivølli, og hinir báðir dystirnir endaðu javnir – málleyst í Klaksvík og 2-2 í Streymnesi.
Við gongdini í fjør í huga er tað ikki frítt óvæntað, at 07 Vestur er á triðja plássi við seks stigum, og at Víkingur bara hevur vunnið trý stig í trimum teimum fyrstu umførunum. Víkingur hevur tvær tær seinastu ferðirnar tapt 3-1 á heimavølli ímóti KÍ og 3-1 á útivølli ímóti B36.
Meðan tað hevur verið heilt soltið tvær tær seinastu ferðirnar hjá Víkingi, so hevur 07 Vestur vunnið 5-0 ímóti B36 í Gundadali og 3-1 í Suðuroy. Í dag hittast 07 Vestur og Víkingur í Sørvági.
HB er stórfavorittur í Gundadali ímóti TB/FCS/Royn.
Trý korter frammanundan, at bólturin fer á rull í Gundadali millum HB og TB/FCS/Royn, verður fyrsta bríksl millum B36 og NSÍ í Gundadali. Felags fyri bæði liðini er, at tey hava vunnið ein og tapt tveir dystir.
KÍ – EBS/Skála: Høgni Madsen kl. 12.15
07 Vestur – Víkingur: Heini Ziskason Viðoy kl. 13.00
HB – TB/FCS/Royn: Dan Waag Sjóstein kl. 13.00
B36 – NSÍ: Jón Tór Baldvinsson kl. 12.15
| EBS/Skála | 3 | 3 | 0 | 0 | 7 | 2 | 9 |
| KÍ | 3 | 3 | 0 | 0 | 6 | 2 | 9 |
| 07 Vestur | 3 | 2 | 0 | 1 | 9 | 3 | 6 |
| Víkingur | 3 | 1 | 0 | 2 | 18 | 6 | 3 |
| NSÍ | 3 | 1 | 0 | 2 | 12 | 5 | 3 |
| HB | 3 | 1 | 0 | 2 | 3 | 4 | 3 |
| B36 | 3 | 1 | 0 | 2 | 3 | 7 | 3 |
| TB/FCS/Royn | 3 | 0 | 0 | 3 | 1 | 30 | 0 |
