Føroyingar vóru í leiki fyri tvey lið í norskum hondbólti í dag.
Í bestu deildini høvdu Helgi H. Hoydal, Pauli Mittún og liðfelagarnir í Kristiansand sera torføra uppgávu á útivølli móti krútsterka liðnum, Drammen sum hevur verið millum fremstu liðini í Noregi seinnu árini.
Drammen vann eisini greitt 35-26 á Kristiansand. Í steðginum var Drammen á odda 20-13.
Helgi skoraði trý mál uppá sjey málroyndir. Pauli hevði fýra royndir uppá málið hjá Drammen, men hann fekk einki mál í dag.
Bækkelaget vann uttan Kjartan Johansen á liðnum í dag 28-27 (15-14) á Arendal á útivølli.
Bækkelaget er nummar fimm í deildini við 10 stigum. Kristiansand er nummar seks í deildini, somuleiðis við 10 stigum. Kolstad er fremst við 16 stigum, og Drammen er nummar tvey við 14 stigum.
Komandi mikukvøld spælir Bækkelaget á útivølli móti Elverum. 19. november tekur Kristiansand móti Elverum á heimavølli.
Í næstbestu deildini gjørdi Tróndur Mikkelsen aftur vart við seg fyri Ryger Stavanger í dag.
Tróndur gjørdist toppskjútti við sjey málum, tá Ryger vann stórsigur 32-23 á Falk. Í steðginum var Ryger á odda 16-10.
Julian J. Kragesteen skoraði tvey mál fyri Ryger í dag.
Ryger er nummar nummar sjey í deildini við 10 stigum. Viking TIF er fremst í deildini við 16 stigum.