Fyrsti dysturin i bestu deildini í dag er longu liðugur. Fyrsta bríkslið við Løkin í Runavík, har HB vitjaði, var klokkan 13. Úrslitið var 2-0 til HB.
Í 1. hálvleiki gekk hampuliga javnt á.
Tað eydnaðist tó Milan Kuljic at leggja HB á odda stutt fyri steðgin við frálíkum langskoti. Og tá Hans á Lag tíðliga í 2. hálvleiki økti til 2-0, tá hann fangaði returbólt eftir frísparksroynd, fekk HB veruliga frið yvir spælið.
Tað, sum var eftir av tíðini, stýrdi HB væl og virðiliga. NSÍ kendist máttleyst, og vertirnir høvdu hvørki hugflog ella styrki til at koma afturíaftur.
NSÍ-HB 0-2 (0-1)
Dómari: Michael Tykgaard Danmark
0-1: Milan Kuljic 38.
0-2: Hans á Lag 49.
NSÍ: Meinhard Joensen - Jónhard Frededriksberg, Óli Hansen, Einar T. Hansen, Jens Joensen - Bogi Løkin, Jústinus R. Hansen, Jan Ingi Petersen, Jan Martin Mortensen (KLæmint A. Olsen, 66.) - Karoly Potemkin, Christian Høgni Jacobsen
Gult kort: Jústinus R. Hansen,
HB: Marcin Dawid - Pætur Jørgensen, Hans á Lag, Rasmus Nolsøe, Poul Thomas Dam - Bjarni Jørgensen, Milan Kuljic, Fróði Benjaminsen, Kári Nielsen, Rógvi Poulsen (Páll M. Joensen, 88.) - Andrew av Fløtum
Gult kort: Rasmus Nolsøe, Pætur Jørgensen, Andrew av Fløtum, Bjarni Jørgensen
