Fýra starvsfólk hjá einum av fremstu satirisku bløðunum í Turkalandi skulu handtakast fyri at hava givið út ein teknifilm av profetinum Muhammed.
Høvuðsákærin í turkiska býnum Istanbul hevur givið boð um hetta, skriva fleiri turkiskir miðlar.
Blaðið snýr seg um Leman.
– Høvuðsákæruvaldið hevur sett í verk kanning av útgávuni av eini keiputekning í blaðnum Leman frá 26. juni 2025, sum opinbart niðurger átrúnaðarlig virði, og handtøkuboð eru givin fyri tey, sum eru við, stendur í fráboðan.
Sambært turkiskum miðlum hevur høvuðsákærin eisini givið boð um at handtaka ábyrgdarblaðstjóran hjá Leman og tveir ábyrgdarblaðstjórar.
Eitt avrit av svarthvítu myndini er lagt út á sosialu miðlarnar. Myndin vísir Muhammed profetin og Móses á himlinum omanfyri ein bý undir álopi. Teir taka í hondina á hvør øðrum.
Innanríkisráðharrin í Turkalandi, Ali Yerlika, sigur, at løgreglan hevur handtikið tann,s um hevur teknað keipumyndina. Á sosiala miðlinum X hevur hann lagt eitt video út av teknaranum, sum er handtikin í einum trappurúmi.
– Tann, sum eitur D.P., sum gjørdi hesa andstyggiligu tekning, er handtikin og er í varðhaldi hjá okkum.
– Hesir óskammaðu einstaklingar verða førdir til svars eftir lógini, skrivar Ali Yerlika.
Ritzau/AFP
