Vitjanin hevur samband við møguligu luttøkuna í OL, har Pál Joensen hevur tilboð um at umboða Danmark.
Teir báðir sjónvarpsmenninir siga, at teir meta Pál Joensen vera áhugaverdan, tí hann møguliga verður við í OL, og tí at hann er komin so langt, sum hann er, undir teimum venjingarumstøðum, ið hann hevur.
Pál kann ætlandi síggjast á TV2 News í kvøld. Enn er ikki víst, um hetta verður í tíðindasending tíðliga á kvøldi, ella seinni.
Longri innslag um Pál Joensen verður so eisini í ítróttarsendingini hjá TV2 leygardagin, siga sjónvarpsmenninir frá TV2.
