Fýra føroyingalið í bestu donsku hondbóltsdeildini hjá kvinnum vóru í leiki í kvøld.
Jana Mittún og liðfelagarnir í Viborg vunnu á útivølli ein góðan 32-29 sigur á Nykøbing Falster. Í steðginum var Nykøbing Falster á odda 17-15.
Jana skoraði tvey mál.
Landsliðsmálverjin, Rakul Wardum og liðfelagarnir í Ringkøbing leiktu á útivølli javnleik 27-27.
Tað kunnu Rakul og liðfelagarnir iðra seg um. Tí í steðginum var Ringkøbing á odda 15-8. Móti endanum var Ringkøbing á odda 27-25, men tær megnaðu ikki at halda fast.
Rakul hevði í málinum eitt bjargingarprosent upp á 32,4 prosent. Millum bjargingarnar hjá Rakul var eitt brotskast.
Brynhild Pállsdóttir, Súna K. Hansen og liðfelagarnir í Ajax hava framvegis fyrsta stigið til góðar aftaná seks teir fyrstu dystirnar í kappingini.
Í kvøld tapti Ajax 22-28 fyri Horsens á útivølli. Í steðginum var Horsens á odda 14-10.
Brynhild skoraði tvey mál, og Súna skoraði eitt mál og legði upp til eitt mál.
Føroyski landsliðsleikarin, Pernille Brandenborg og liðfelagarnir í Keypmannahavn vunnu á heimavølli stórsigur 36-24 (22-13) á Bjerringbro.
Støðan (soccerstand.com):
##med2##
