Tvey fólk lótu lív, tá tey vórðu rakt av húsaleivdum eftir eitt rakettálop á ukrainska høvuðsstaðin, Kyiv, í nátt.
Álopið verður lýst, sum tað størsta á høvuðsstaðin síðan í vár.
- Tað var í Sjevtsjenkivskyj-økinum, at fólkini lótu lív, sigur Serhij Popko í fyribilsboðum á Telegram.
Tað er hann, sum stendur á odda fyri hernaðarumsitingini í høvuðsstaðnum.
Borgarstjórin í Kyiv, Vitalij Klitsjko, sigur, at spreingingar hoyrdust, og íbúgvarnir vórðu bidnir um at søkja sær skjól í bumburúmum.
Sambært borgarstjóranum fingu fleiri bygningar skaða, tá vraklutir frá niðurskotnum rakettum raktu.
Myndugleikarnir í Kyiv lýsa russisku álopini í nátt sum tey harðastu síðan í vár.
- Tilsamans vóru 20 fíggindaligar rakettir oyðilagdar av loftverjuni, sigur hernaðarumsitingin í Kyiv á Telegram í morgun.
Tað er tíðindastovan NTB, sum ber hesi tíðindi úr Ukraina í morgun.
