Tað gongur framúr væl hjá føroyska U17 kvinnulandsliðnum í fótbólti í EM-undankappingini, ið er í Albania í hesum døgum.
Farna fríggjadag vunnu tær 2-1 á Kasakstan, og í dag vunnu føroysku U17 kvinnurnar 3-0 á vertstjóðini, Albania.
Eydna Dalheim legði Føroyar á odda tá bert tríggir minuttir vóru farnir av dystinum.
Brá Zakariasardóttir økti til 2-0 og til 3-0 tá 61 minuttir vóru farnir av seinna hálvleiki.
Fyrr í dag vann Wales 1-0 á Kasakstan.
Støðan í undankappingarbólki 4:
1. FØROYAR 2 5-1 6 stig
2. Wales 2 3-0 6 stig
3. Kasakstan 2 1-3 0 stig
4. Albania 2 0-5 0 stig
Hósdagin klokkan 13 spæla Føroyar og Wales bólkafinalu. Føroyar hava betri málúrtøku og kunnu tí vinna undankappingarbólkin við sigri ella javnleiki. Vinnarin fer víðari til annað umfarið í EM-undankappingini.
