Landsliðsvenjararnir, Mark Lausen- Marcher og Julian Johansen, hava úttikið spælararnar til Scandinavian Open og EHF Championship kappingina, sum báðar verða í august, skrivar HSF.fo.
Liðið skal fyrst spæla Scandinavian Open saman við stóru hondbóltstjóðunum, Noreg, Svøríki og Danmark. Talan er um kapping, sum verður spæld í Lund í Svøríki í døgunum 6. – 8. august, ein kapping liðini vanliga nýta at fyrireika seg til EM-kappingarnar í august.
Seinni í august, skulu Føroyar spæla EHF Championship kapping í Varna í Bulgaria, í døgunum 17. – 23. august. Kappingin skuldi upprunaliga hava verið spæld í 2020, men var útsett vegna korona. Spælt verður í tveimum bólkum, har vinnarin av kappingini vinnur seg til EM-endaspælið fyri U20 í 2022. Eisini fær vinnarin møguleikan at spæla um pláss til HM. Føroyar eru í bólki saman við Kekkia og vertunum úr Bulgaria. Í hinum bólkinum eru Belarus, Slovakia, Finnland og Litava.
Málverjar:
Pauli Jacobsen, H71
Alexander Sacho Lacok, VÍF
Útispælarar:
Janus Dam Djurhuus, H71
Baldur Gillason, H71
Pauli Høj, Neistin
Hákun West av Teigum, Skanderborg
Bogi Hansen, H71
Ragnar Karlsson, H71
Viktor Nørlyng Gaini, GOG
Sakir Tróndarsson Frýdal, H71
Bjarni í Selvindi, StÍF
Pauli Mittún, H71
Óli Mittún, GOG
Ári Rúnason, H71
Rói Ellefsen á Skipagøtu, H71
Elias Ellefsen á Skipagøtu, IK Savehof
Sveinur Olafsson, H71
Skráin hjá Føroyum sær soleiðis út:
Í Lund til Scandinavian Open:
Fríggjadagin 6. august kl. 16.00 Føroyar – Noreg
Leygardagin 7. august kl. 17.00 Svøríki – Føroyar
Sunnudagin 8. august kl. 09.00 Føroyar – Danmark
Í Varna í Bulgaria til EHF Championship:
Týsdagin 17. august kl. 16.00 Bulgaria – Føroyar
Hósdagin 19. august kl. 16.00 Kekkia – Føroyar
Leygardagin 21. august plaseringsdystir
Sunnudagin 23. august plaseringsdystir
