U19 tapti uttan profilarnar

Føroysku U19-mennirnir taptu greitt fyri Svøríki í dag í Scandinavian Open. Úrslitið var 31-21, eftir 17-10 í hálvleikinum

Føroysku U19-mennirnir taptu greitt fyri Svøríki í dag í Scandinavian Open. Úrslitið var 31-21, eftir 17-10 í hálvleikinum. Scandinavian Open er fyrst og fremst ein fyrireikingarkapping til evropeisku kappingarnar seinni í august og tískil ein kapping, har dystirnir í prinsippinum eru venjingardystir, skrivar Hondbóltssambandið.

 

Føroysku venjararnir spardu fleiri av profilunum í dag og góvu pláss til nakrar spælarar, sum ikki fingið so nógvar minuttir í beinini í gjár móti Norra. Toppskjúttarnir í gjár, Elias Ellefsen á Skipagøtu og Hákun West av Teigum, sum báðir skutu 10 mál í gjár, vóru ikki á vøllinum.

 

Føroyska liðið kom skjótt afturum í dystinum og økti sviar leypandi um leiðsluna í leypi av dystinum. Føroyingarnir fingu roynt fleiri leikarar og roynt ymsar uppstillingar og er hetta hugsa sum fyrireiking til avgerandi EM-dystirnar seinni í august. Dagsins spælari var kosin Óli Mittún.

 

Føroyska liðið møtir Danmark í morgin kl. 09.00.

 

Dystargongdin:

 

5 min 2-1

 

10 min 6-3

 

15 mi. 8-6

 

20 min 11-7

 

25 min 12-8

 

30 min 17-10

 

35 min 18-10

 

40 min 20-12

 

45 min 23-13

 

50 min 26-17

 

55 min 29-19

 

60 min 31-21

 

Málskjúttar:

 

Bjarni í Selvindi 6

 

Sveinur Olafsson 4

 

Óli Mittún 3

 

Pauli Høj 3

 

Bogi Hansen 2

 

Victor Nørlyng Gaini 1

 

Ragnar Karlsson 1

 

Baldur Gillason 1