Atli Gregersen sá reytt eftir ófantaligt fríspark. Stutt eftir tað stútaði Finnur Justinussen bóltin í netið, eftir at Sverri Jacobsen hevði lagt innfyri úr høgru.
Stutt framman undan hevði Finnur Justinussen stútað upp um úr stuttari fjarstøðu.
ÍF hevði eisini sínar møguleikar. Millum annað skutu teir á tvørtræið, tá Hanus Eliasen royndi seg í fyrra hálvleiki.
Við sigrinum stendur Víkingur væl fyri undan seinna hálvfinaludystinum, sum verður spældur í Gøtu hóskvøldið 28. mai.
Liðini vóru annars mannaði soleiðis, tá Ransin N. Djurhuus bríkslaði dystin í gongd klokkan 18.30 kvøld:
ÍF: Andras Gango ? Áki Petersen, Poul Ennigarð, Bartal Eliasen, Fritleif í Lambanum? Alexander Jovevic, Frank Poulsen, Høgni Zachariassen, Andy Olsen, Nenad Saric ? Hanus Eliasen.
Víkingur: Geza Turi ? Sverri Jacobsen, Niclas Niclasen, Atli Gregersen, Hanus Jacobsen ? Andrias Lava Olsen, Sam Jacobsen, Súni Olsen, Sølvi Vatnhamar, Hans Jørgen Djurhuus ? Finnur Justinussen.
