Fýra politisk ungmannafeløg hava endurstovnað felag fyri politisk ungmannafeløg, PolUng. Og i heum sambandi skipa ungmannafeløgini fyri pallborðsfundi á studentaskúlanum á Kambsdali mikudagin klokkan 9:45.
Tey fýra ungmannafeløgini eru: Sosialistisk Ung, Ungmannafelagið Samband, Huxa og Unga Tjóðveldi.
- Ert tú til loysing ella samband? Høgru ella vinstru? Skal staturin hava stórt ella lítið vald á tær? Kom og hoyr og luttak í kjakinum millum politisku ungmannafeløgini, sum bresta saman í pallborðskjaki - og finn út av, hvar tú hoyrir heima, siga feløgini.
Endamálið við PolUng og tiltakinum er at stimbra politiska áhugan hjá ungum og fáa tey at taka støðu til viðurskifti í dagsins samfelag.
- Gera vit ikki hetta, kann tað bróta niður okkara fólkaræðisliga rætt, sum er, at øll skulu verða hoyrd og hava ávirkan í samfelagnum.
Evnini, ið kjakast verða um, eru hesi:
Ríkisfelagskapur ? loysing ella samband?
a. Blokkurin ? tiðnast ella skerjast?
i. Búskaparligi/mentunarligi týdningurin av blokkinum ? neyðugur, bara eitt ískoyti ella ein leinkja?
Forboðspolitikkur - Nær er tað gott fyri borgaran, og nær er tað gott fyri samfelagið?
a. Rúsdrekkalógin
i. Liberal
ii. Aldursmark
b. Halgidagslógin
i. Skulu halgidagar ávirka upp- og afturlatingartíðir?
1. T.d. ongan dans 1. jóladag, 1. páskadag, hvítsunnu- og sunnudag. Skal landið gera av, nær vit skulu hava loyvi at dansa?
Miðnámsskúlaskipanin - almenn ella spesialiserað vitan?
c. Víðka ella smalka um linjurnar?
d. Privatskúlar í Føroyum?
Orðstýrari verður á fundinum, sum fer at seta ungmannafeløgunum spurningar. Næmingar og onnur áhugað eru eisini hjartaliga vælkomin at luttaka við spurningum og uppskotum. Tiltakið er alment PolUng: Sosialistisk Ung, Ungmannafelagið Samband, Unga Tjóðveldi og Huxa.
