Ein av íbúgvunum, sum in.fo hevur tosað við, sigur, at tað eru unglingar sum hava til frægd at steina hústekjur í Hagagøtu á Argjum, har bæði tak og takrennur hava fingið skaða av hesum.
Málið er meldað til løgregluna, sum hevur verið á staðnum.
Sum skilst er trupulleikin ikki nýggjur, tí fólk á Argjum hava verið órógvað av hesum áður, har tað eisini hevur verið meldað til løgregluna.
– Heitt verður á foreldur at tosa við børnini um hetta, so hetta kann halda uppat, siga fólk, hava verið plágað av hesum beistagerðum.