Liverpool – við fleiri eykamonnum á liðnum - og Manchester United megnaðu í dag tað, sum tað varð roknað við – at vinna fulla úrtøku.
Eina lítla løtu fram ímóti dystarenda sá tað út sum um, at sigurin var við at gleppa Liverpool av hondum. Burnley javnaði til 1-1, tá ið tað restaðu tríggir minuttir. Ein tími var farin, tá ið Sadio Mané legði gestirnar úr Liverpool á odda, men íslendingurin Johann Berg Guðmundsson javnaði, tá ið tað restaðu tríggir minuttir.
Burnley gleðin var stokkut, og Liverpool fagnaður var stórur, tá ið Ragnar Klavan í síðsta minutti og eftir frísparksframlegging sendi bóltin í málið, og harvið vann Liverpool 2-1.
Í kvøld vann Manchester United 2-0 á útivølli ímóti Everton. Sigurin var sera søtur, tí tríggjar ferðir á rað hevði United verið partur av javnleikum. Anthonu Martial setti hol á eftir lítlan tíma, tá ið hann hegnisliga og stutt innanfyri brotsteigarmarkið legði bóltin upp í málhornið, og tað restaðu níggju minuttir, tá ið Jesse Lingard økti til 2-0.
Í annaðkvøld fer Tottenham at spæla á útivølli í Swansea. Tottenham, sum eigur tveir dystir til góða, er sjey stig frá Liverpool og fjórða plássinum. Arsenal, sum eigur ein dyst til góða, er seks stig frá fjórða plássinum.
Í dag
Everton-Manchester United 0-2
Stoke-Newcastle 0-1
Leicester-Huddersfield 3-0
Burnley-Liverpool 1-2
Brighton-Bournemouth 2-2
Í morgin klokkan 19.45
West Ham-WBA
Southampton-Crystal Palace
Swansea-Tottenham
Manchester City-Watford
Støðan
L | U | J | T | Mörk | Stig | ||
1 | Man. City | 21 | 19 | 2 | 0 | 61:12 | 59 |
2 | Man. Utd | 22 | 14 | 5 | 3 | 45:16 | 47 |
3 | Chelsea | 21 | 14 | 3 | 4 | 39:14 | 45 |
4 | Liverpool | 22 | 12 | 8 | 2 | 50:25 | 44 |
5 | Arsenal | 21 | 11 | 5 | 5 | 38:26 | 38 |
6 | Tottenham | 20 | 11 | 4 | 5 | 39:20 | 37 |
7 | Burnley | 22 | 9 | 7 | 6 | 19:19 | 34 |
8 | Leicester | 22 | 8 | 6 | 8 | 34:32 | 30 |
9 | Everton | 22 | 7 | 6 | 9 | 25:34 | 27 |
10 | Watford | 21 | 7 | 4 | 10 | 30:37 | 25 |
11 | Huddersfield | 22 | 6 | 6 | 10 | 18:35 | 24 |
12 | Brighton | 22 | 5 | 8 | 9 | 17:27 | 23 |
13 | Newcastle | 22 | 6 | 4 | 12 | 20:30 | 22 |
14 | Bournemouth | 22 | 5 | 6 | 11 | 22:34 | 21 |
15 | Southampton | 21 | 4 | 8 | 9 | 20:30 | 20 |
16 | Stoke | 22 | 5 | 5 | 12 | 23:47 | 20 |
17 | Crystal Palace | 21 | 4 | 7 | 10 | 18:32 | 19 |
18 | West Ham | 20 | 4 | 6 | 10 | 22:38 | 18 |
19 | WBA | 21 | 2 | 10 | 9 | 15:28 | 16 |
20 | Swansea | 21 | 4 | 4 | 13 | 13:32 | 16 |
