Tíðindastovan AFP veit at siga, at USA og Russland fara at hittast til Ukraina-samrøður í Florida.
Sagt verður, at talan verður um samráðingarfólk úr báðum londunum, og tíðindini um fundin eru úr Hvítu Húsunum.
Samrøðurnar í Florida verða, eftir at ukrainski forsetin, Volodymyr Zelenskyj, hevur verið positivur um framgongdina í samráðingunum.
Hesar samráðingar vóru í Berlin herfyri.
Tá hittust umboð úr Ukraina, USA og Evropa, har londini umrøddu eina ætlan, sum vónandi kann fáa ein enda á krígnum í Ukraina.
Higartil hevur einki verið sagt um, hvørji umboðini fyri londini eru, sum nú skulu hittast um Ukraina-samrøður í Florida.
