Fleiri kommunur hava havt árligar ruddingardagar, nú summarið stundar til, og fleiri kommunur hava lýst við ruddingardøgum - eisini hesa vikuna.
Ætlanin var eisini at hava ruddingardag í Sunda kommunu leygardagin hin 18. mai, men her hava tey nú gjørt av, at ruddingardagurin verður útsettur.
- Vegna verkfall er ruddingardagurin, sum skuldi verða leygardagin 18. mai, útsettur, siga tey í Sunda kommunu í dag.
Lagt verður aftrat, at trupult er at siga, hvussu leingi eitt slíkt verkfall varir, og tí kemur kunning um nýggjan ruddingardag seinni.
