Víkingur vann seinnapartin 3-1 á heimavølli ímóti TB. Tað ber við sær, at Víkingur er topplið, nú kappingin er farin í summarfrí.
Víkingur hevur 35 stig fyri fimtan dystir. NSÍ og KÍ hava 32 stig fyri fjúrtan dystir.
TB legði bragdliga fyri og longu í fyrsta minutti vóru gestirnir framvið. TB hevði bóltin nógv í fyrra hálvleiki, men tað eydnaðist ikki at vinna heilt upplagda møguleikan.
Heimaliðið var í eyðkanda lagnum, og tá ið tað restaðu tíggju minuttir av fyrra hálvleiki, legði Adeshina Lawal Víking framum.
Fimm minuttir eftir steðgin økti Dion Splidt um munin til 2-0, og so kendist alt at vera avgjørt, og spurningurin kendist vera, hvussu stórur heimasigurin fór at verða.
So var tað, at eyðsýndi Ivan Ivanovic minkaði um munin. Tá varð heilt spennandi, men bara í eina lítla løtu. Fyrst varð Teitur Olsen vístur av vølli, tá ið hann sá gula kortið fyri aðru ferð, og so økti Gunnar Vatnhamar um munin til 3-1, tá ið hann við høvdinum setti bóltin í málið, eftir at Hanus Jacobsen við frísparki legði bóltin innfyri.
15. umfar
EB/Streymur - Skála 0-1
Víkingur - TB 3-1
HB - AB 5-0
21. juli
KÍ - B36
14. august
ÍF - NSÍ
| Víkingur | 15 | 11 | 2 | 2 | 35 | 17 | 35 |
| NSÍ | 14 | 10 | 2 | 2 | 36 | 13 | 32 |
| KÍ | 14 | 10 | 2 | 2 | 33 | 11 | 32 |
| B36 | 14 | 10 | 1 | 3 | 23 | 13 | 31 |
| HB | 15 | 9 | 3 | 3 | 38 | 17 | 30 |
| Skála | 15 | 6 | 0 | 9 | 16 | 19 | 18 |
| TB | 15 | 4 | 3 | 8 | 13 | 28 | 15 |
| EB/Streymur | 15 | 2 | 2 | 11 | 16 | 37 | 8 |
| ÍF | 14 | 1 | 2 | 11 | 10 | 34 | 5 |
| AB | 15 | 1 | 1 | 13 | 14 | 45 | 4 |
16. umfar
27. juli
NSÍ - KÍ
Skála - ÍF
AB - EB/Streymur
28. juli
B36 - Víkingur
29. juli
HB - TB
