Amerikanski uttanríkisráðharrin, John Kerry (myndin), ynskir at seta ferð á palestinska búskapin, við at privatir altjóða íleggjarar skulu gera íløgur í palestinskum umráðunum fyri milliardir krónur.
Neyðugt er at skapa arbeiðspláss og at geva teimum ungu vón um eina bjartari búskaparliga framtíð, sigur John Kerry.
Hann er serliga spentur uppá, at íløgur í ferðavinnu, byggiarbeiði, kunningartøkni og landbúnað skulu seta ferð á palestinska búskapin.
Búskaparligu vakstrarætlanina, sum fyrrverandi bretski forsætisráðharrin, Tony Blair, hevur tikið stig til, hevur John Kerry lagt fram á fundi, nú hann er á rundferð í Miðeystri.
