Allan Norðberg og liðfelagarnir í Vali hava í kvøld spælt fyrru áttandapartsfinaluna í European Cup.
Valur tók í kvøld móti serbiska liðnum, Metaloplastika Sabac í høllini í Hlíðarenda í Reykjavík.
Tað eydnaðist Vali at vinna tepran 27-26 sigur. Í steðginum var støðan javnleikur 11-11.
Gongdin í dystinum var hendan: 1:1, 3:4, 5:5, 7:7, 9:10, 11:11, 14:12, 16:14, 17:16, 21:21, 26:23, 27:26.
Allan skoraði tvey mál fyri Val.
Stóra hetjan hjá Vali í dystinum var landsliðsmálverjin og leikandi venjarin, Björgvin Páll Gústavsson sum bjargaði 17 málroyndum, harímillum trimum brotskøstum.
Returdysturin verður spældur í Serbia komandi leygardag klokkan 17.30, har eitt pláss í fjórðingsfinalunum stendur upp á spæl.