Einki vár uttan várkonsert.
Mánakvøldið, 13. mai klokkan 19, hevur kirkjukórið Ljómur várkonset í Vágs kirkju. Á skránni eru føroyskir sálmar og sangir, sum kórið hevur vant til Onglandsferðina á hvítusunnu.
Barnakór úr Vágs skúla fer at syngja nakrar sangir saman við Ljómi.
Ásgerð Stenberg Olsen fer at spæla á tvørfloytu sonatu í F-moll eftir Telemann. Petur Martin Johannesen situr við orglið. Benjamin Gaasedal er kórleiðari hjá Ljómi. Ingun Háberg og Agnar Lamhauge hava barnakórið undir hond.
