Stjórnarsamgongan í Fraklandi undir leiðslu av Michel Barnier, forsætisráðharra, er feld í kvøld.
Tað er greitt eftir eina misálitsatkvøðu í franska tjóðartinginum, skriva tíðindastovurnar AFP og Reuters.
Misálitsatkvøðugreiðslan endaði meira enn tríggjar tímar av kjaki um framtíðina hjá stjórnini, eftir at Barnier segði seg vera til reiðar at tvinga fíggjarlógaruppskotið fyri næsta ár ígjøgnum uttan um tingið.
Hóttanin frá nú frákoyrda forsætisráðharranum í dag fekk vinstravongin at seta fram misálit.
Marine Le Pen úr høgraflokkinum National Samling (RN) tók alt fyri eitt undir við ynskinum hjá vinstravonginum og hjálpti til at atkvøða tað ígjøgnum.
Fyri at fella stjórnina kravdust 288 atkvøður, og stjórnin varð koyrd frá við 331 atkvøðum.
/Ritzau/
