Ein veljarakanning, sum spyr.fo hevur gjørt fyri Kringvarpið vísir, at Fólkaflokkurin fær harða viðferð frá veljarunum á løgtingsvalinum, og at flokkurin bara fær fýra tingfólk.
Sambandsflokkurin stendur eisini til afturgongd og fær seks tingfólk.
Miðflokkurin og Framsókn fáa tríggjar tingsessir í part.
Tjóðveldi fær ein sess afturat, og Javnaðarflokkurin verður stóri sigursharrin og fær tríggjar tingsessir afturat.
Sambært kanningini so fáa samgonguflokkarnir tilsamans 13 tingsessir og andstøðan 20 sessir.
Fólkaflokkurin: 4 sessir (-4)
Sambandsflokkurin: 6 sessir (-1)
Javnaðarflokkurin: 10 sessir (+3)
Sjálvstýri: 0 sessir (-1)
Tjóðveldi: 7 sessir (+1)
Framsókn: 3 sessir (+1)
Miðflokkurin: 3 sessir (+1)
Meira verður um kanningina í Degi og Viku í kvøld.