Aftaná 1-1 javnleikir móti Degerfors og Trelleborg í innleiðandi bólki 3 í bólkaspælinum í svensku steypakappingini, eydnaðist tað í kvøld liðnum Mikkjal K. Thomassen er høvuðsvenjari hjá, AIK Stockholm at vinna triðja og seinasta dystin.
Á heimavølli á Strawberry Arena vøllinum vann AIK 2-0 á Värnamo. Victor Andersson legði AIK á odda við einum góðum langskoti longu í triðja minutti. Tá 79 minuttir vóru leiktir økti John Guidetti til 2-0.
Men tíverri fyri AIK endaðu teir bara næstfremst í bólkinum við fimm stigum. Trelleborg vann á útivølli 1-0 á Degerfors.
Trelleborg vann bólk 3 við sjey stigum, og vann seg í fjórðingsfinalurnar. Bólkafavorittarnir, AIK eru úti av steypakappingini, hóast teir eru ósigraðir í kappingini.
HER ber til at síggja hæddarpunktini frá dystinum AIK Stockholm-Värnamo 2-0 (1-0):
##med2##
##med3##
