Fyrsta føroyingauppgerðin í bestu íslendsku fótbóltsdeildini hetta kappingarárið var leikt í kvøld.
KR við Halli Hansson á liðnum tók móti Keflavík, ið hevði Patrik Johannesen í álopinum.
KR vann 1-0 við einum máli sum Þorsteinn Már Ragnarsson skoraði miðskeiðis í seinna hálvleiki. Hallur legði upp til málið við einari góðari sending inn í brotsteigin hjá Keflavík.
HER ber til at síggja málið.
Komandi leygardag leikar KR heimadyst móti Leiknir. Dagin eftir verður føroyingauppgerð í Keflavík millum Keflavík og liðið hjá Gunnari Nielsen, FH. Kaj Leo í Bartalsstovu og liðfelagarnir í Akranesi spæla útidyst móti ÍBV.
Støðan:
Nr. | Lið | Dystir | V | J | T | Málmunur | Stig |
1 | Breiðablik | 6 | 6 | 0 | 0 | 19:4 | 18 |
2 | KA | 6 | 5 | 1 | 0 | 11:2 | 16 |
3 | Valur | 6 | 4 | 1 | 1 | 11:5 | 13 |
4 | Stjarnan | 6 | 3 | 2 | 1 | 14:10 | 11 |
5 | KR | 6 | 3 | 1 | 2 | 8:5 | 10 |
6 | Víkingur R. | 7 | 3 | 1 | 3 | 14:14 | 10 |
7 | FH | 6 | 2 | 1 | 3 | 9:10 | 7 |
8 | Fram | 6 | 1 | 2 | 3 | 8:15 | 5 |
9 | Akranes | 6 | 1 | 2 | 3 | 7:15 | 5 |
10 | Keflavík | 7 | 1 | 1 | 5 | 10:16 | 4 |
11 | ÍBV | 6 | 0 | 2 | 4 | 6:13 | 2 |
12 | Leiknir R. | 6 | 0 | 2 | 4 | 2:10 | 2 |