Komandi mótstøðuliðið hjá HB í triðja undanumfarinum í Europa Conference League undankappingini verur Maccabi Haifa úr Ísrael.
Maccabi Haifa vann í kvøld stórsigur 5-1 á Dinamo Tblisi, og harvið ein samlaðan 7-2 sigur.
Í steðginum var Maccabi Haifa á odda 2-1, og samlað 4-2. Seinasta korterið gekk skjótt við málskjótingini hjá ísraelska liðnum.
Maccabi Haifa hevur tvær ferðir í hesari øldini vunnið seg í bólkaspælið í Champions League. Tríggjar ferðir hava teir vunnið seg í bólkaspælið í Europa League og UEFA Cup.
HB spælir á útivølli í Haifa 5. august og heima á Tórsvølli 12. august. Tað er bert loyvt at spæla dystir í fyrsta og øðrum undanumfari í Gundadali. Tí verur spælt á Tórsvølli.
HER ber til at síggja málini sum komu í dystinum millum Maccabi Haifa og Dinamo Tblisi:
##med2##