Ígjár taptu Klæmint A. Olsen og liðfelagarnir í Breiðablik 3-4 fyri KR. Breiðablik var á odda 3-1 í steðginum og 3-2 áðrenn farið var til tíðina dómarin hevði lagt aftrat, men teir mistu sigurin í yvirtíðini.
Sunnukvøldið vann Valur 4-1 á FH, og tað úrslitið merkir, at Breiðablik verður minst nummar fýra og sleppa harvið út í Evropa aftur komandi kappingarár.
Klæmint skoraði til 2-0 til Breiðablik. Íslendsku frásøgumennirnir hildu, at niðurtøkan av bóltinum og útplasseringin av málverjanum hjá KR vóru framúr: "Ótrúliga væl gjørt av Klæminti" brast úr frásøgumanninum.
Ígjár høvdu vit á in.fo hæddarpunkt uttan frásøgumann frá dystinum KR-Breiðablik 4-3 (1-3), men tað er ikki sama uppliving.
HER ber til at síggja og hoyra hvussu tað ljóðaði og sást í íslendskum sjónvarpi:
##med2##
Hósdagin klokkan 17.45 fara Klæmint og liðfelagarnir í Breiðablik at skriva søgu, tá teir fara at spæla fyrsta dystin í einum evropeiskum bólkaspæli á íslendskari jørð. Tað hendir tá Breiðablik á Laugardalsvøllinum í Reykjavík tekur móti ukrainska liðnum, Zorya Luhansk í bólki B í Europa Conference League bólkaspælinum. Møguleikarnir fyri at Breiðablik fær stig eru ikki sørir.
