Føroyingauppgerð var í næstbestu norsku fótbóltsdeildini í dag.
Á Øster Hus leikvøllinum í Sandnes tók heimaliðið, Sandnes ULF móti Mjøndalen. Dysturin endaði við 3-2 sigri til Mjøndalen.
Meinhard Egilsson Olsen, ið byrjaði inni hjá Mjøndalen skoraði sigursmálið til 3-2 í 73. minutti við einum góðum skoti frá brotsteigarmarkinum.
Meinhard legði eisini upp til 2-2 málið hjá Erik Brenden við einari góðari sending inn í brotsteigin hjá Sandnes.
HER ber til at síggja sigursmálið hjá Meinhardi.
HER ber til at síggja málið til 2-2.
