Í EM-millumbólki 2 eydnaðist tað Spania, ið einki stig hevði undan dagsins dysti at skelka fronsku favorittarnar.
Spania vann 36-32 á Fraklandi í Boxen í Herning. Serliga í fyrra hálvleiki lá tað væl fyri hjá spaniumonnum, ið vóru á odda 20-14 í steðginum.
Ian Barrufet var við 10 málum stórskjútti hjá Spania. Toppskjútti hjá Fraklandi við sjey málum var Aymeric Minne.
Undan dystinum Danmark-Týskland er Týskland oddalið við seks stigum. Danmark og Frakland hava fýra stig hvør, og Portugal og Noreg hava trý stig hvør. Spania er aftast í bólkinum við tveimum stigum.
Skráin fyri EM-millumbólk 1:
Hósdagin 22. januar:
Týskland – Portugal 32-20
Spania – Noreg 34-35
Frakland – Danmark 29-32
Leygardagin 24. januar:
Frakland – Portugal 46-38
Spania – Danmark 31-36
Týskland – Noreg 30-28
Mánadagin 26. januar:
Portugal – Noreg 35-35
Spania– Frakland 36-32
19.30: Týskland – Danmark
Mikudagin 28. januar:
14.30: Spania – Portugal
17.00: Týskland – Frakland
19.30: Danmark – Noreg
HER ber til frá Eurohandball at síggja ein samandrátt frá dystinum Spania-Frakland 36-32 (20-14):
##med2##
