TRÝST á PÍLIN á MYNDINI, og síggj hæddarpunktini av dystinum í donsku superliguni millum Randers FC og FC Nordsjælland, sum Randers FC vann 2-1 aftaná hálvleiksstøðuna 1-1.
Brandur Hendriksson Olsen skoraði í dag avgerandi málið fyri Randers FC. Føroyingurin bleiv skiftur inn í seinna hálvleiki. Stutt undan málinum hevði Brandur eina aðra góða roynd á málið hjá FC Nordsjælland. Tann royndin sæst eisini á videobrotinum.
Tað hevur ikki eydnast unga skálvíkinginum at vinna sær pláss á liðnum hjá Randers í ár, men hann hevur víst góðar taktir á eykaliðnum og á landsliðnum. Í dag fekk hann kjansin og tók av.
Miðvallarin bleiv skiftur inn við støðuni 1-1. Stutt fyri tíð fekk hann bóltin nakað til vinstru í brotsteiginum. Við góðari fyrstu nerting legði hann bóltin til rættis, og sendi hann í málið við góðum vinstrabeins sparki.
Støðan í donsku superliguni :
| 1 | FCK | 15 | 10 | 5 | 0 | 33:7 | 35 |
| 2 | Brøndby | 15 | 8 | 5 | 2 | 34:12 | 29 |
| 3 | Randers FC | 16 | 8 | 5 | 3 | 22:16 | 29 |
| 4 | Midtjylland | 15 | 7 | 5 | 3 | 31:18 | 26 |
| 5 | Lyngby | 15 | 7 | 3 | 5 | 16:14 | 24 |
| 6 | SønderjyskE | 15 | 6 | 5 | 4 | 20:18 | 23 |
| 7 | AC Horsens | 15 | 5 | 6 | 4 | 19:21 | 21 |
| 8 | AaB | 16 | 5 | 4 | 7 | 16:23 | 19 |
| 9 | Nordsjælland | 16 | 4 | 5 | 7 | 23:29 | 17 |
| 10 | AGF | 16 | 4 | 5 | 7 | 20:26 | 17 |
| 11 | Silkeborg | 16 | 3 | 7 | 6 | 18:29 | 16 |
| 12 | Viborg | 15 | 3 | 3 | 9 | 16:24 | 12 |
| 13 | OB | 15 | 2 | 5 | 8 | 12:24 | 11 |
| 14 | Esbjerg | 16 | 2 | 5 | 9 | 17:36 | 11 |
