Tað gongur ikki væl hjá Viljormi Davidsen og liðfeløgunum í Vejle í bestu donsku fótbóltsdeildini.
Viljormur spældi allan dystin, tá Vejle á heimavølli fyrr í dag tapti stórt 0-4 fyri einum krútsterkum liði hjá FC Keypmannahavn. Í dag var klassamunur á liðunum.
Vejle er aftast í Superliguni við bert einum stigi aftaná sjey dystir. Komandi dystur hjá Vejle er á útivølli móti AGF, sunnudagin 12. september.
Vejle – FCK 0-4 (0-2)
18. 0-1 Lukas Lerager
24. 0-2 Pep Biel
54. 0-3 Carlos Zeca
77. 0-4 Jens Stage
Í næstbestu donsku fótbóltsdeildini var liðið hjá Peturi Knudsen, Lyngby fyri sínum fyrsta tapið í dag. Lyngby tapti 1-2 fyri AC Horsens á heimavølli. Í steðginum var AC Horsens á odda 2-0. Petur Knudsen var skiftur inn tá seinni hálvleikur byrjaði, men tað eydnaðist ikki heimaliðnum at fáa meir enn tað eina málið.
Lyngby er nummar trý í deildini við 16 stigum, trý stig eru upp til oddaliðið, Helsingør.
Leygardagin 11. september spælir Lyngby á útivølli móti Vendsyssel.
HER ber til at síggja hæddarpunktini frá dystinum millum Vejle og FCK:
##med2##
