Landsliðsleikarin, Vilhelm Poulsen og liðfelagarnir í Lemvig-Thyborøn spældu í dag 1. uppflytingarfinaluna móti Team Sydhavsøerne á heimavølli í dag.
Dysturin endaði við einum greiðum 32-24 sigri til Lemvig-Thyborøn. Í steðginum var heimaliðið á odda 14-12.
Vilhelm gjørdist næstbesti málskjúttin hjá Lemvig-Thyborøn við fimm málum. Vilhelm legði eisini upp til tvey mál.
Mikukvøldið hevur Team Sydhavsøerne heimadyst. Vinna Vilhelm og liðfelagarnir tann dystin er plássið í bestu donsku hondbóltsdeildini tryggjað.
