Tað hevur ikki riggað væl hjá TB, tá ið tvøramenn í ár hava verið í Vágum. Fyrr í summar taptu teir 5-0 á Dungasandi, og nú eru teir við at rigga av í Sørvági, og suður aftur við sær hava teir 3-0. Tapið ber við sær, at TB framvegis hevur 11 stig.
Hetta er fyrsti sigur hjá 07 Vestur síðani 25. mai. Tá vann 07 Vestur 3-1 á heimavølli ímóti B68. Hetta var í fyrsta dystinum við Michael Schjønberg við róðri í hesum umfarinum.
07 Vestur er framvegis aftast. Vágaliðið hevur 10 stig, og næstu vikurnar fer 07 Vestur at spæla ímóti B36 á heimavølli og FC Suðuroy á útivølli.
Í fyrra hálvleiki í dag hugsaðu gestirnir serliga um at verja. 07 Vestur var nógv á bóltinum, men tað var torført at vinna upplagda málmøguleikan. Tíggju minuttir undan steðginum eydnaðist tað. Uppspæl í vinstru endaði við, at Mikkel Hyllegaard av baklinjuni spældi útfrá, og so var verjuspælarin Nicolai Møller Dohn leysur og stýrdi við innarusíðuni bóltin í málið.
TB legði meiri framfýsið fyri eftir steðgin, og tað vóru onkrar spentar støður frammanfyri heimamálið, uttan at tað eydnaðist at skora.
Seks minuttir undan leikloki var Nicolai Møller Dohn aftur upp á spæl, tá ið hann eftir horna úr høgru frá Jóannisi á Steig og aftanfyri handara stólpa við høvdinum drønstútaði bóltin í málið. Og so var tað miðvallarin Casper G. Hansen, sum var leysur í høgru og úr eitt sindur spískum smekkaði bóltin upp í nettakið.
-Vit hildu teimum frá møguleikum, og vit megnaðu í dag at vinna úrtøku úr møguleikunum, sum vit spældu okkum til. Vit rokna við, at tað fer at eydnast at varðveita plássið í bestu deildini, og hetta var eitt ordiligt skoop, sigur málverjin Ari í Haraldstovu Petersen í samrøðu við Trygva Absalonsen í FM1 útvarpinum.
- Vit spældu ikki væl í fyrra hálvleiki, men í seinna avrikið var avrikið væl betur. Vit høvdu ikki dómaramarginalirnar við okkum, og í fleiri støðum vóru vit óhepnir. Men vit rokna framvegis við møguleikanum, at vit í 2026 eisini vera í bestu deildini, sigur TB venjarin Thomas Thinggaard.
07 Vestur – TB 3-0 (1-0)
1-0: Nicolai Møller Dohn
2-0: Nicolai Møller Dohn
3-0: Casper G. Hansen
Dómari: Kári á Høvdanum
07 Vestur: Ari í Haraldstovu Petersen – Edvin Jakobsen, Nicolai Møller Dohn, Filip Drinic – Jón í Horni Nielsen, Casper G. Hansen, Magnus Holm Jacobsen, Jóannis á Steig –, Tobias Fabian Giusti (Silas Gaard, 20.), Jonathan Flensborg (Lucas Gardar, 68.), Mikkel Hyllegaard
Venjari: Michael Schjønberg
TB: Anders Tønnesen – Torkil Holm, Amidou Diop, Musah Armah, Ragnar Joensen – Mohamed Samba, Nikolei Johannesen, Joel Sundström, Eyðtór Eyðsteinsson Joensen (Mikal Tummasarson, 79.) Mattias D. Djurhuus,– Samudeen Musah
Venjari: Thomas Thinggaard
