Myndugleikarnir í Cataloina halda í dag fólkaatkvøðugreiðslu um loysing frá miðstjórnini í Madrid.
Og tað hóast spanski hægstirættur hevur lýst fólkaatkøvðugreiðsluna at vera í stríð við grundlógina.
Her er eitt yvirlit yvir stríðið hjá Catalonia fyri sjálvstýri:
* 2006
30. mars: Tjóðartingið í Madrid góðkennir eina nýggja lóg, sum gevur Catalona meira vald á fíggjarøkinum og lógarøkinum.
31. juli: Konservativi flokkurin hjá forsætisráðharranum, Mariano Rajoy, stríðist ímóti skipanini, tí tað sambært flokkinum gevur Catalonia ov nógvar fyrimunir.
* 2010
28. juni: Spanski grundlógardómstólurin broytir partar av skipanini frá 2006. Millum annað rættin at nevna Catalonia sum »tjóð«.
10. juli: Hundraðdúsundtals fólk mótmæla í Barcelona fyri sjálvstýri. »Vit eru ein tjóð, vit avgera sjálvi«, ljóðaði frá mannamúgvuni.
* 2012
11. september: Meira enn ein millión fólk mótmæla í Barcelona á spanska tjóðardegnum fyri loysing. Tað er síðani vorðin ein árliga siðvenja í Catalonia.
* 2014
9. november: Catalonia vil ikki lúta fyri Madrid og heldur eina symbolska fólkaatkvøðugreiðslu um loysing. Meira enn 80 prosent atkvøða fyri sjálvstøðugum Catalonia. Valluttøkan er tó bara 37 prosent.
* 2016
10. januar: Loysingasinnaði Carles Puigdemont verður útnevndur forseti í Catalonia.
* 2017
9. juni: Carles Puigdemont boðar frá, at fólkaatkvøðugreiðsla um sjálvstýri verður 1. oktober. Spanska stjórnin sigur, at hon fer at forða fyri atkvøðugreiðsluni.
3. juli: Puigdemont koyrir ein stjórnarlim frá, tí hann setir spurnartekin við rættin at halda fólkaatkvøðugreiðsluna.
Mariano Rajoy, forsætisráðharri, ákærir catalonsku stjórnina fyri at hava einaveldislyndi.
7. september: Spanski hægstirættur lýsir fólkaatkvøðuna at vera í stríð við grundlógina. Catalonska landspartastjórnin lovar kortini at halda atkvøðugreiðsluna.
13. september: Spanska løgreglan fær boð um at steðga atkvøðugreiðsluni við at leggja halda á atkvøðuseðlar, atkvøðukassar, plakatir og annað, sum brúkast skal at halda valið.
20. september: Løgreglan handtekur 14 catalanskar embætismenn, sum verða mistonktir fyri at skipa fyri atkvøðugreiðsluni.
Sambært løgregluni hava tey lagt hald á slakar 10 milliónir atkvøðuseðlar. Fleiri túsund fólk mótmæla ímóti løgregluni í Barcelona.
29. september: Catalanska stjórnin sigur, at 2.315 atkvøðukassar eru klárir til atkvøðugreiðsluna.
30. september: Spanska løgreglan upplýsir, at tey hava stongt helvtina av valstøðunum.
Kilde: AFP
/ritzau/
