Stór hernaðarlig hjálp er á veg til Ukraina.
Tað segði forsetin í Ukraina, Volodymyr Zelensky, í einari video-røðu í gjár.
– Vit fyrireika nýggjar og sterkar verjuavtalur við okkara sameindu, og vit rokna við, at vit fara at gera góðar avtalur í januar og februar, segði Zelensky.
Síðani Russland gjørdi innrás í Ukraina í februar í 2022, hevur Ukraina fingið stóra hernaðarliga og aðra hjálp frá vesturheiminum.
Nú er kríggið á veg ímóti tvey ára degnum, og seinastu mánaðirnar hevur stríðið ikki broytt stórvegis á frontinum.
Zelensky sigur ikki, hvørji lond ætla at hjálp Ukrania næstu tíðina, men hann hevur í eina tíð gjørt stórt diplomatiskt arbeiði fyri at fáa meira hernaðarligan stuðul.
Herfyri boðaði Stórabretland frá, at tey fara at lata hernaðarliga hjálp til Ukraina fyri slakar 22 milliardir krónur í ár, og franski forsetin, Emmanuel Macron, segði í vikuni, at Frakland fer at lata meira hernaðarliga útgerð til Ukraina.
